Жаңылыктар

Тбилисиге сапар: банктардагы инновациялардан шыктанып жатабыз

КСБ кызматкерлери Тбилисиге иш сапары менен барып, тажрыйба алмашып жана Грузиянын банк секторундагы мыкты тажрыйбаларды изилдешти.

Стратегиялык өнүгүүнүн жана иштин натыйжалуулугун жогорулатуунун алкагында, КСБ командасы Тбилисиге иш сапарында төмөнкү алдыңкы банктарга барышты:

• TBC Bank
• ProCredit Bank
• Terabank
• Bank of Georgia

Иш сапардын өзгөчө бөлүгү — ESG (Экологиялык, Социалдык жана Башкаруу) принциптерин ишке ашыруу жана туруктуу каржылоону колдонуу боюнча тажрыйбаларды изилдөө болду. Бул багыттар бүгүнкү күндө дүйнө жүзү боюнча банк тармагын өнүктүрүүнүн негизги бөлүгү болуп саналат.

Грузиялык банктардын өкүлдөрү менен жолугушууларда кеңири талкууланган темалар:
— ESG-принциптерин бизнес-процесстерге интеграциялоо
— экологиялык жана социалдык тобокелдиктерди баалоо куралдары
— туруктуу долбоорлор үчүн каржылоону тартуу механизмдери

Бул тажрыйба алмашуу биздин банкта колдонууга ылайыктуу жана ийгиликтүү практикаларды аныктоого шарт түздү.

КСБ өз ишмердүүлүгүнө ESG-принциптерин активдүү киргизүүгө, экономика менен коомдун жоопкерчиликтүү жана туруктуу өнүгүүсүнө салым кошууга умтулат.