Комплаенс

«КСБ Коммерциялык Банк» ЖАК өз ишин ТК/ККЛКА чөйрөсүндөгү Кыргыз Республикасынын мыйзамдарына, ошондой эле эл аралык стандарттарга жана сунуштамаларга ылайык жүргүзө турганын маалымдайт.

Банктын ТК/ККЛКА системасы

1. Жоопкерчиликтүү бөлүм
Банкта саясатты ишке ашырууну, ички мониторингди, талаптардын сакталышын көзөмөлдөөнү жана мамлекеттик органдар менен өз ара аракеттенүүнү ишке ашырган, ТК/ККЛКА боюнча адистештирилген бөлүм иштейт. Расмий Комплаенс-офицер дайындалган.

2. Ички документтер
Ички регламенттердин комплекси иштейт (саясат, ички көзөмөл программасы, идентификациялоо жол-жоболору, тобокелдиктерди тескөө, шектүү операцияларды аныктоо, окутуу). Документтер үзгүлтүксүз жаңыртылат.

3. Технологиялык чечимдер
Банк көзөмөлдөнүүгө тийиш болгон шектүү операцияларды жана тобокелдиктерди автоматтык түрдө аныктоо – кардарларга мониторинг жүргүзүү жана керектүү маалыматтар базасын жүргүзүү үчүн адистештирилген МТ-системаны колдонот.

4. Тобокелдикке багытталган мамиле
Кардарлардын тобокелдиктерин жана операцияларын баалоо, тобокелдиктин деңгээли боюнча кардарларды классификациялоо жана жогорку тобокелдиктүү категорияларга күчөтүлгөн көзөмөл жүргүзүлөт.

5. Персоналды окутуу
Кызматкерлер милдеттүү ар жылдык окуудан өтөт, ал эми жаңы кызматкерлер – ТК/ККЛКА боюнча баштапкы даярдыктан өтүшөт.

6. Мамлекеттик органдар менен өз ара аракеттенүү
Банк милдетүү көзөмөлгө алынуучу же шектенүүнү жараткан операциялар жөнүндө ар кандай маалыматты Кыргыз Республикасынын ыйгарым укуктуу органдарына өз убагында берет.

КЖКЛ ТКК жөнүндө кат

Биздин Банк ТК/ККЛКА эл аралык жана аймактык стандарттарынын талаптарын, анын ичинде FATF жана EAG сунуштамаларын сактайт.
·    FATF (Financial Action Task Force) – финансы уюмдары үчүн стандарттарды белгилөөчү, акчаны адалдоо жана терроризмди каржылоо менен  күрөшүү боюнча финансылык чараларды иштеп чыгуучу эл аралык топ.
·    EAG (Eurasian Group on Combating Money Laundering and Financing of Terrorism) —FATF сунуштамаларын аймактык өзгөчөлүккө ыңгайлаштыруучужана алардын аткарылышын көзөмөлдөөчү, КМШ жана Борбордук Азия өлкөлөрү үчүн аймактык уюм.

Банк бул уюмдардын негизги талаптарын аткарат, анын ичинде:
·    СМАга жана жогорку тобокелдиктүү категорияларга өзгөчө көңүл буруу менен, кардарларга жана операцияларга карата тобокелдикке багытталган мамиле;
·    Акыркы бенефициарларды (АБ) жана саясый маанилүү адамдарды (СМА) идентификациялоо жана верификациялоо;
·    Шектүү операцияларды аныктоо жана жөнгө салуучуларга өз убагында маалымдоо үчүн транзакцияларга мониторинг жана талдоо;
·    Төлөмдөрдүн ачык-айкындуулугун камсыздоо жана санкциялык комплаенсти сактоо;
·    Кызматкерлерди үзгүлтүксүз окутуу жана натыйжалуу ички көзөмөл системасын колдоо.

“КСБ Коммерциялык Банк” ЖАК ТК/ККЛКА эл аралык стандарттарына, анын ичинде Bank Secrecy Act (BSA) жана Wolfsberg Group принциптерине ылайык аракеттенет.
Банк бул стандарттарды төмөнкүлөр үчүн колдонот:
·    Кардарларды жана операцияларды текшерүү (Customer Due Diligence, CDD);
·    Акыркы бенефициарларды жана саясый маанилүү адамдарды идентификациялоо (KYC/PEP);
·    Транзакцияларга мониторинг жана шектүү операциялар жөнүндө билдирүү;
·    Жогорку тобокелдиктүү кардарлардын жана транзакциялардын тобокелдиктерин тескөө;
·    Тобокелдиктерди баалоо үчүн Wolfsberg эл аралык анкетасын колдонуу.

Бул стандарттарды колдонуу төмөнкүдөй мүмкүнчүлүктөрдү берет:
·    ТК/ККЛКА тобокелдиктерин азайтуу;
·    Эл аралык комплаенс талаптарына шайкеш келүү;
·    Эл аралык өнөктөштөрдүн жана банк-корреспонденттердин ишенимин жогорулатуу.

AML_Questionnaire_Wolfsberg

FATCA “КСБ Коммерциялык Банк” ЖАК АКШнын чет өлкөлүк эсептердин салык мыйзамдарын сактоо жөнүндө мыйзамынын (FATCA) талаптарын сактайт.
Банк төмөнкүлөр үчүн бардык керектүү жол-жоболорду ишке ашырат:
·    Өз кардарларынын арасында америкалык салык резиденттерин идентификациялоо;
·    FATCA талаптарына ылайык, америка жарандарына же резиденттерине таандык эсептер жөнүндө маалыматты чогултуу жана иштеп чыгуу;
·    Белгиленген отчеттуулук системасы аркылуу маалыматты АКШнын салык органдарына (IRS) берүү;
·    Эл аралык кызматташтыктын алкагында FATCA менен байланыштуу бардык эрежелердин жана макулдашуулардын сакталышын камсыз кылуу.

Банктын FATCA-статусу:
Participating FFI (Foreign Financial Institution)
GIIN-номер:
QWHG36.99999.SL.417

W-8BEN-E формасы — бенефициардык ээсинин статусун жана FATCA-статусун ырастоо үчүн документ.
W-8BEN-E

Скрыть

Банкта LexisNexis системасы киргизилген, ал автоматташтырылган комплаенс-көзөмөлдүн кеңири мүмкүнчүлүктөрүн камсыз кылат. Мындан тышкары Кыргыз Республикасынын Жыйынды санкциялык тизмеги боюнча автоматташтырылган скрининг ишке ашырылган, бул улуттук санкциялык тизмелер менен дал келүүлөрдү ыкчам аныктоого мүмкүндүк берет.

LexisNexis маалыматтар базасын жана программалык камсыздоосун банктын АБСына интеграциялоо төмөнкүлөрдү камсыздоо менен, толук ишке ашырылган жана автоматтык режимде иштейт:

• Кардарлардын жана транзакциялардын санкциялык скринингин толук автоматташтыруу.
Система күн сайын жана толук автоматтык түрдө жаңы жана учурдагы кардарларга, ошондой эле бардык транзакцияларга расмий санкциялык тизмектерге шайкештикке карата:
– БУУ Коопсуздук кеңеши;
– OFAC;
– Европа тышкы экономикалык ишмердүүлүк кызматы (EU);
– Улуу Британиянын казыналыгы (HMT);
– ЧККА жана УККА;
ошондой эле кеңейтилген LexisNexis маалымат базалары боюнча шайкештикке карата мониторинг жүргүзөт. Тизмелерди жаңыртуу жана скрининг кызматкерлердин катышуусу жок, анын ичинде жумуш эмес убагында аткарылат.

• Тобокелдиктүү аймактарга байланыштуу санкциялык төлөмдөрдү жана операцияларды автоматтык түрдө аныктоо.
Система санкциялык адамдардын дарегине же алар тарабынан жүргүзүлгөн операцияларды, ошондой эле санкциялык аймактарга, чет өлкөлүк банктарга жана алардын филиалдарына, офшордук юрисдикцияларга жана башка жогорку тобокелдик зоналарына байланыштуу транзакцияларды аныктайт.

• Санкциялык товарлардын болушуна карата эл аралык транзакцияларды көзөмөлдөө.
Система төлөм документтеринде товардын сүрөттөлүшүн талдайт жана көрсөтүлгөн товарлардын санкциялык тизмектерге жана кош арналыштагы товарлардын тизмектерине шайкештигин автоматтык түрдө аныктайт.

• Жалган дал келүүлөрдү азайтуу.
LexisNexis адистештирилген салыштырып текшерүү алгоритмдери  талдоонун жогорку тактыгын камсыздайт, бул жалган оң жыйынтыктардын санын кыйла азайтат.

• Отчеттуулукту түзүү жана мониторингдин сапатын көзөмөлдөө.
LexisNexis куралдары толук жана деталдаштырылган отчетторду түзүүгө, жалган дал келүүлөрдүн динамикасын көзөмөлдөөгө, мониторингдин натыйжалуулугун жана жыйынтыктарды иштеп чыгуунун сапатын көзөмөлдөөгө мүмкүндүк берет.

• “50%+” эрежеси боюнча байланыштуу адамдарды аныктоо.
LexisNexis кошумча мүмкүнчүлүктөрүнүн аркасында система OFAC, EU, HMT жана башка жөнгө салуучулардын расмий тизмектеринде жок болсо дагы, санкциялык субъекттердин туунду жана аффилирленген түзүмдөрүн автоматтык түрдө аныктайт.

Банктын санкциялык саясаты Скрыть

Биздин Банк Комплаенс бөлүмү тарабынан белгиленген ченемдик талаптардын жана ички регламенттердин сакталышына туруктуу мониторинг жүргүзүүнүн натыйжалуу системасын түзүүгө багытталган, комплаенс-көзөмөл программасын ишке ашырат.

Программанын максаты:
•          мыйзамдын жана ички ченемдик актылардын талаптарынын сакталышын камсыз кылуу;
•          укуктук ченемдерди, жөнгө салуучу талаптарды жана ички эрежелерди аткарбоо тобокелдиктерин аныктоо жана азайтуу;
•          комплаенс-тобокелдиктерди тескөөгө бирдиктүү мамилени калыптандыруу.

Программанын негизги элементтери:

1.         Комплаенс-тобокелдиктерди аныктоо
•          бизнес-процесстерди жана операцияларды талдоо;
•          тобокелдик булактарын жана факторлорун аныктоо;
•          комплаенс-тобокелдиктер реестринде тобокелдиктерди каттоо.

2.         Комплаенс-тобокелдиктерди баалоо
•          тобокелдиктин пайда болуу ыктымалдуулугун жана анын таасир этүү деңгээлин баалоо;
•          тобокелдик категорияларын аныктоо (төмөн, орточо, жогору);
•          тескөө боюнча чараларды сунуштоо.

3.         Комплаенс-тобокелдиктерди тескөө
•          оңдоочу чараларды иштеп чыгуу;
•          тобокелдиктердин алдын алуу, азайтуу жана мониторинг жүргүзүү жол-жоболорун киргизүү;
•          колдонуудагы чаралардын натыйжалуулугун талдоо.

4.         Комплаенс-тобокелдиктерге мониторинг
•          тобокелдиктердин динамикасына туруктуу байкоо жүргүзүү;
•          ишмердүүлүктөгү же мыйзамдардагы өзгөрүүлөрдө тобокелдиктерди баалоону кайра кароо;
•          жетекчиликке отчетту даярдоо.

5.         Программаны актуалдаштыруу
•          методологияны жыл сайын кайра кароо;
•          ченемдик талаптардын өзгөрүшүнө жана Комплаенс бөлүмүнүн функцияларынын өнүгүшүнө ылайык методологияларды жана процесстерди актуалдаштыруу.
  Скрыть

“КСБ Коммерциялык Банк” ЖАК өз ишин Кыргыз Республикасынын мыйзамдарына жана коррупцияга нөлдүк сабырдуулук принциптерине ылайык жүргүзөт. Банк КРдин ченемдик укуктук актыларынын, КР Улуттук банкынын жана ISO 37001 эл аралык стандартынын талаптарын аткарат.

“КСБ Коммерциялык банк” ЖАКнын коррупцияга каршы саясаты

Негизги принциптер
Банк жана анын кызматкерлери:

• коррупциянын жана паракорлуктун эч кандай түрүнө катышпайт;
• ак ниеттүү, ачык-айкын аракеттенет жана КР мыйзамдарынын талаптарын сактайт;
• кызыкчылыктардын кагылышуусунун алдын алууга жана декларациялоого милдеттүү;
• коррупцияга каршы ченемдерди сактоо үчүн жоопкерчилик тартат.

Банк пара алууга/берүүгө, мыйзамсыз сый акыга, кызмат абалынан кыянаттык менен пайдаланууга, кызматтык маалыматты жеке максатта колдонууга жол бербейт.

Коррупцияга каршы аракеттенүү чаралары
Тобокелдиктерди азайтуу үчүн банк төмөнкү чараларды ишке ашырат:

• коррупциялык тобокелдиктерди талдоо жана мониторинг жүргүзүү;
• кардарларды, контрагенттерди жана кызматкерлерди текшерүү;
• келишимдерге коррупцияга каршы шарттарды кошуу;
• ыйгарым укуктарды бөлүштүрүү жана кош көзөмөл;
• кызыкчылыктар кагылышуусун милдеттүү түрдө декларациялоо;
• кызматкерлерди үзгүлтүксүз окутуу;
• белектерди жана башка пайданы алуу эрежелерин сактоо.

Тыюу салынат
Банктын кызматкерлерине тыюу салынат:

• ар кандай формада параны сунуштоо, берүү, суроо же алуу;
• укук ченемсиз сый акы алуу;
• коррупциялык аракеттерди жасоо үчүн ортомчуларды пайдалануу;
• коррупциялык катары баалана турган аракеттерди жасоо.

Бузуулар жөнүндө маалымдоо
Банк кызматкерлерди жана өнөктөштөрдү коррупция фактылары жөнүндө маалымдоого чакырат. Өз ыктыяры менен билдирген кызматкер куугунтуктоодон корголгон. Бузуулар жөнүндө email аркылуу билдирүү: compliance@ksbc.kg

Мамлекеттик органдар менен өз ара аракеттенүү Банк төмөнкүлөргө жол бербейт:

• мамлекеттик кызматчыларга белектерди берүү;
• алардын чыгымдарын төлөө;
• Банктын кызыкчылыгында чечимдердин ордуна акча, мүлк же пайда берүү.

Жоопкерчилик жана саясатты кайра кароо
Коррупцияга каршы талаптарды бузуу тартипке чакыруучу, административдик же жазык жоопкерчилигине алып келет. Саясат мыйзамдардын жана Банктын ички ченемдеринин өзгөрүшүн эске алуу менен үзгүлтүксүз жаңыртылат.

Кыргыз Республикасынын коррупцияга каршы аракеттенүү жана кызыкчылыктардын кагылышуусун башкаруу чөйрөсүндөгү мыйзам талаптарын сактоо жөнүндө кат

“КСБ Коммерциялык банк” ЖАКнын кызыкчылыктар кагылышуусун тескөө саясаты

Саясаттын максаты – Банктын ачык-айкын, чынчыл жана көз карандысыз иштешин камсыз кылуу, кызматкерлердин жана кызмат адамдарынын жеке кызыкчылыктарынын Банктын ишине, анын кардарларына жана өнөктөштөрүнө таасирин жокко чыгаруу.

Негизги принциптер

• Банктын жана кардарлардын кызыкчылыктарынын артыкчылыгы — чечим КР мыйзамдарынын алкагында гана, объективдүү кабыл алынат.
• Көз карандысыздык жана адилеттүүлүк – кызматкерлер калыс аракеттенишет жана жеке пайданын таасирине жол беришпейт.
• Ачык-айкындуулук – кызматкерлер мүмкүн болуучу кызыкчылыктар кагылышуусу жөнүндө маалыматты өз убагында ачыктоого милдеттүү.
• Жеке жоопкерчилик – ар бир кызматкер кызыкчылыктар кагылышуусуна жол бербөө жана туура жөнгө салуу үчүн жооп беришет.

Кызыкчылыктар кагылышуусу деген эмне
Кызматкердин, анын туугандарынын же аффилирленген жактардын жеке кызыкчылыктары чечимдердин объективдүүлүгүнө таасирин тийгизиши жана Банкка же кардарга зыян келтириши мүмкүн болгондо кызыкчылыктардын кагылышуусу жаралат.
Кызматкерлердин милдеттери

• иш жүзүндөгү же мүмкүн болуучу кызыкчылыктардын кагылышуусу жөнүндө билдирүү;
• жыл сайын жана жагдайлар өзгөргөн учурда Кызыкчылыктардын кагылышуусунун болушу/жоктугу жөнүндө декларацияны берүү;
• эгерде чечимдерде жеке кызыкчылыктар болсо, аларды кабыл алууга катышпоо;
• кызматтык маалыматты же ыйгарым укуктарды жеке максаттарда пайдаланбоо;
• мыйзам тарабынан уруксат берилген лимиттен тышкары белектерди жана пайданы кабыл албоо;
• туугандык байланыштарды жашырбоо жана туугандардын түздөн-түз баш кол алдында иштешине жол бербөө.

Тыюу салынган

• кызматты жеке пайда алуу үчүн колдонуу;
• жеке кызыкчылык бар бүтүмдөргө же жол-жоболорго катышуу;
• кызыкчылыктар кагылышуусун жашыруу жана белгиленген лимиттерден ашыкча белектерди алуу;
• Банк менен атаандашкан жумуш же бизнес, уруксатсыз.

Башкаруу органдарынын ролу

• Директорлор кеңеши системаны көзөмөлдөөнү, ачык-айкындуулугун жана көз карандысыздыгын камсыз кылат.
• Башкарма аныкталган кагылыштарды талдайт жана алардын алдын алуу боюнча чараларды көрөт.
• Комплаенс-көзөмөл кызыкчылыктар кагылышуусунун реестрин жүргүзөт, кызматкерлерге консультация берет жана Саясаттын сакталышына мониторинг жүргүзөт.
• Ички аудит жана тобокелдик-менеджмент көз карандысыз баалоону жана көзөмөлдү камсыз кылат.

Кызыкчылыктардын кагылышуусунун алдын алуу

• ишке орношууда жана жыл сайын жеке кызыкчылыктарды декларациялоо;
• сатып алууларда жана жеткирип берүүчүлөрдү тандоодо аффилирленгендикти көзөмөлдөө;
• маалыматтык тоскоолдуктар жана купуя маалыматтарга жетүү мүмкүндүгүн чектөө;
• персоналды туруктуу окутуу.

Туугандарынын иштеши

• түз баш ийүүсүндө туугандардын иштешине тыюу салынат;
• талапкер ишке орношууда туугандарын ачыктоого милдеттүү;
• өзүнүн тууганын жалдоого катышууга – тыюу салынган.

Кызыкчылыктардын кагылышуусун жөнгө салуу
Кызыкчылыктар кагылышуусу аныкталганда кызматкер төмөнкүлөргө милдеттүү:
1.    Жетекчиге жана комплаенс-көзөмөл бөлүмүнө дароо билдирүү.
2.    Кагылышка байланыштуу милдеттерди аткаруудан убактылуу баш тартууга.
3.    Жетекчилик жана комплаенс тарабынан сунушталган чараларды аткаруу. Скрыть