Жаңылыктар

Өзгөртүүлөр Кыргыз Республикасынын мыйзамдарына, ошондой эле Кыргыз Республикасынын Улуттук банкынын ченемдик укуктук актыларына, анын ичинде “Кыргыз Республикасында банктык төлөм карталары жөнүндө” Жобого (КР УБ Башкармалыгынын 2015-жылдын 9-декабрындагы № 76/8 токтому менен бекитилген) ылайык келтирүү максатында киргизилди.

Негизги өзгөртүүлөр:
•    2.35. Төлөм системасында токенизация — банк картасынын маалыматтарын коргоо технологиясы болуп, анда картанын чыныгы номери атайын сандык код — токен менен алмаштырылат.
•    2.36. Электрондук капчык — интернет же смартфон аркылуу акча сактоого жана товарлар менен кызматтар үчүн төлөөгө мүмкүндүк берген санариптик сервис же тиркеме.
•    10.10.2. Электрондук капчыктарга картаны кошуу (токенизация) процессин аяктоо үчүн зарыл болгон кардардын маалыматтары кызматты камсыз кылууга катышкан үчүнчү жактарга (төлөм системалары, кызмат көрсөтүүчүлөр жана башкалар) өткөрүлүшү мүмкүн.
•    7.1.3. Кардар картаны үчүнчү жактарга өткөрүп берүү же сатуу, ошондой эле карта аркылуу үчүнчү жактардын көрсөтмөсү менен финансылык операцияларды жүргүзүү үчүн жоопкерчилик тартат.
•    4.4. Карта карта ээсинин атына чыгарылат жана аны бир гана карта ээси колдонууга тийиш. Картаны, логин жана паролдорду үчүнчү жактарга берүү/сатуу тыюу салынат.
•    10.11. Карта ээси Банкка карта даяр экендиги жана анын мөөнөтү бүтө тургандыгы тууралуу SMS жана электрондук почта билдирүүлөрүн жөнөтүүгө шартсыз жана кайтарылгыс макулдугун берет (мөөнөтү бүткөнгө чейин 45 күндөн кеч эмес).
•    10.12. Карта ээси мурда колдонулган процессинг системасы боюнча чыгарылган карталарга пайыздар чегерилген учурда SMS жана электрондук почта билдирүүлөрүн жөнөтүүгө макулдук берет.
•    10.6. Карта ээси карта боюнча операциялар жүргүзүлгөндө SMS жана электрондук почта билдирүүлөрүн алууга макул экендигин билдирет.

Өзгөртүүлөр 2026-жылдын 25-майынан тартып күчүнө кирет жана жеке жана юридикалык жактарга тиешелүү болот.